தனிமை : --
*********

தனித்தியங்குவது சிந்தனைக்கு வித்திடும்,
சிந்தனை சிறக்க சூழல் துணை செயும்.
வெட்டிச்சிந்தனை விழலுக்கிறைத்த நீராகும்.

தனித்தியங்குவது தன்னிலை உணர்விற்கும்,
தன்னுள் ஒடுங்குவது-
வாழ்வியல் உயர்விற்கும் துணையாகும்.

தனிமை வெறுப்போர்- "அவர் வழி பொது வழி" ,
கூடீயிருப்போர், சேர்ந்து களிப்போர்,
விரும்பிச் சேர்வது வெற்றீயின் மேல் படி.

வென்றோர் தோள் தட்டியும்,
வீழ்ந்தோர் தோள் அணைத்தும் - துணையிருப்பது,
சூழ்ந்தோர் மன நிலை.

 காடு என்றால் - தவம் !
வீடு என்றால் - சுகம் !
தேடு ஒண்றை -- தினம் !.....

விட்டில் பூச்சியும், பட்டுப் பூச்சியும்..
*************************************

இறந்து பட்ட இரு புழுக்கள் பேசிக்கொண்டன..
இறந்து படுதல் நமக்கு ஒன்றும் புதிது அல்லவே,

பட்டு பளபளக்க நான் இங்கு உயிரை விடுகிறேன் - நீயோ ?
சுடரின் பளபளப்பைக் கண்டுவிட்டு உயிரை விடுகிறாய்.

விட்டிலுக்கு வந்த கோபம் துரிதமானது..- உடன்
பட்டிடம் கேட்டதங்கே கோபமாக அது!

ஓளி கண்டு வீழும் என்னை யாரும் கொல்வதுமில்லை., -
உன்னை வளர்த்து இங்கு சுடு நீரில் இட்டுக் கொல்வருமுண்டு,

துளிர்ந்து விட்ட விழி நீர் துடைத்து பட்டு கேட்டது.-தியாகத்தில்
உயிர்த் தியாகத்தில் நம்மிடையே பேதம் இல்லையா ?

நான் சென்ற பின்னும் பட்டென என் பேரும் நிற்குமே- ஆயின்
பொருளில்லா தியாகம் உந்தன் உயிருமல்லவா ?

வாதத்திற்கு உகந்த வார்த்தை கொண்டன இரண்டும் - இதுபோல்
மனிதருள்ளும் வீண் தியாகம் , வெறும் வார்த்தை இருப்பதுமுண்டு.

விட்டில் அதன் தியாகம் இண்றேல் ஒளியுமில்லையா?
பட்டு இல்லா வாழ்வதிலே பெருமை இல்லையா?

வெட்டித் தியாகம் வீண் தியாகம் வேண்டாம் இங்கே!- மாந்தருள்ளும்
உயிர்த் தியாகம் உயர்த்தியாகம் போற்றுவோர் உண்டு.

எத்தகைய தியாகம் என்று உணர்ந்தோர் செயலே-
உயர்த்தி இங்கு பேசப்படும் பெரியோர் நடுவே!
                                                                                  

விடிந்த பின்னும் போராட்டம்  :--
******************************

விளக்கு வெச்சப் பின்னாடி வலைய எடுத்துப் போனாண்டி,

இருட்டுகுள்ளே அவன் நுழைஞ்சி - போன பாத மறைஞ்சதடி.

வீட்டுக்குள்ள மனுசரெல்லாம் -குல சாமிய வேண்டிகிடக்க,

இருட்ட மட்டும் துணையாக்கொண்டு துடுப்பெடுத்து போனானே!,

கடல் அலையோட மல்லுக்கட்டி, தன் வவுத்துப்பாட்ட போக்க,

எல்ல தெரியாக் கடலுக்குள்ளே ,கண் விழிச்சு உழைச்சாண்டி.

இராப்பூரா தனிச்சிருந்து, விடியுமட்டும் உழைச்ச அவன்-

உயிரோட வந்தாலும் , தேவை மட்டும் தீரயில்ல.

சிக்காத மீனத்தேடி தொல தூரம் போன பின்ன, -எல்லை

தாண்டி வந்தவன்னு கொண்டுபோக ஆளு ரெடி.

விடிஞ்ச பின்ன சூரியனின் வெப்பமும் சுட்டுத்தாக்க,

கிடைச்சவர போதுமின்னு வந்தவன் தான் கரையில !!

- கணேசன்

"காந்தி சிரிப்பது ஏன்? "

தடையில்லாச் சான்று பெற
தடையில்லாமல் கொடுத்தான் - அவன் 
தடை செய்யப்பட வேண்டியதை- லஞ்சம் !
கையில் பச்சை நோட்டில் காந்தி சிரித்தார் -
இவன் செயலைப்பார்த்து ! - மனம் குறுகுறுத்தது.
உடன் பையில் வைத்தான்- காந்தி மறைந்தார்.
இவன்  குறுகுறுப்பும் தான்!  - அடுத்த ஆள் உள்ளே வர !!

 

"கொ(ல்)லு"

படிப் படியாய் உன் வீட்டிலும் ஒரு கொலு !
வாசலில் உன் தாத்தா ,
ஊஞ்சலில் உன் பாட்டி !
கூடத்தில் உன் அத்தை,
அடுப்பறையில் அன்னை
கொல்லையில் காவல் உன் தந்தை !!
உள்ளறையில் உன் முகம் மட்டும் மெல்ல
எட்டிப் பார்ப்பது ஏன் ?
எனக்கு சுண்டலாகவா !!

"ஒற்றை அடிப் பாதை"

எந்த வழி வந்தோம் நாம் ?
மறந்த  வழி பல இங்குண்டு !
ஒற்றை அடிப் பாதை மட்டும்
என்றும் இங்கு இரு வழி !!

காட்டிலேப் பிறந்து, கனிவகைத் தின்று,
களித்திருந்த அவர் வழித் தோன்றல் நாம்.
சென்றோர் ஒரு வழி, அவரைத் தொடர்ந்தோர்
அதே வழி - என்றும்  இங்கு மனிதன் விட்ட
மூச்சு மட்டும் திறந்த வெளி!

சென்று விட்ட மூச்சை மட்டும் - திரும்பப் பெற்றோர்,
யாருமில்லை !!


  

" வாழ்க "

நட்புடன் சிநேகித்த நண்பர் அவர்க்கு,
என் நல்வாழ்த்து.  பண்புடன் பழகிட, இத்தளம்
உதவிட என் வாழ்த்து !
பழகிடும் வரையிலும் என்னுள் ஓடிடும்
என் மன ஓட்டத்தை பகிர்ந்து , என்னுள்
முளைக்கும்  என் சிநேக பாவத்தைப் புரிந்து,
உங்கள் மனதின் ஆழ் எண்ணக் கருத்தைத் தெளித்து,
நல் வண்ணம் சிறக்க என் தமிழ்த் தாய்யவள்,
உதவிட என் வாழ்த்து !!